2º Foro da Cooperación Municipalista da Lusofonía

Autoridades locais de Galicia, Portugal, Brasil, Guinea-Bissau, Mozambique, Cabo Verde ou São Tomé e Príncipe participarán neste encontro que leva por título ‘A localización dos Obxectivos de Desenvolvemento Sostible tras a Covid-19: unha mirada desde o xénero’. As consecuencias do coronavirus sobre as comunidades locais, os retos do municipalismo perante o cambio climático, a igualdade de xénero e o empoderamento das mulleres e nenas ou ruralismo e ODS son algúns dos temas que centrarán as mesas de debate, que se complementan con outras presentacións sobre educación para a cidadanía global e sobre a implementación da Axenda 2030 no eido local. A cita está aberta ao público xeral, que poderá asistir presencialmente ou vía online.

Organiza: Fondo Galego de Cooperación e Solidariedade. Financia: Xunta de Galicia (Dirección Xeral de Relacións Exteriores e coa UE). Colabora: Unión de Cidades Capitais de Lingua Portuguesa (UCCLA), Câmara Municipal de Braga, Rede de Autoridades Locais da Lusofonía polos ODS.

Juan González, Fondo Galego de Cooperación e Solidariedade. Herménio Fernandes, Associação Nacional dos Municípios de Cabo Verde. Margarida Salomão, Frente Nacional de Prefeitos (Brasil). Francisco Gonçalves, Rede Intermunicipal de Cooperação para o Desenvolvimento (Portugal). Ana Alice da Mata, goberno rexional do Príncipe. Fernando Eduardo Pires, goberno rexional de Cacheu (Guinea-Bissau). María Helena Langa, alcaldesa de Mandlakazi (Mozambique). Etc.